صفحه نخست / آخرین مطالب / نیگار رفیع بی‌لی

نیگار رفیع بی‌لی

نیگار رفیع بی‌لی 1913جو ایل ایونون 23ده گنجه شهرینده آنادان اولموشدور. "چادرا" آدلی ایلک شعری 1928جی ایلده "دان اولدوزو" ژورنالیندا درج اولونموشدور. 1934جو ایلده نشر اولونموش ایلک "شعیرلر" کیتابی آذربایجان قادینلارینین یئنی حیات قوروجولوغوندا ایشتیراکیندان بحث ائدیر.

کؤچوروب اویغونلاشدیران: ویدا حشمتی

نیگار رفیع بی‌لی ۱۹۱۳جو ایل ایونون ۲۳ده گنجه شهرینده آنادان اولموشدور. ۱۹۳۰اینجی ایلده باکی پداگولوژی تئکنیکومونو بیتیرمیشدیر. مسکودا تحصیلاتینی دوام ائتدیرمیشدیر (۱۹۳۲-۱۹۳۶). باکی‌دا عئینی زاماندا فحله – گنجلر مکتبینده ” آذر نشر” و “رئداکتور” اوشاق – گنج نشرینده بدیعی ادبیات شعبه‌سینده ۱۹۳۹ – ۱۹۳۷ وظیفه‌سینده ایشله‌میشدیر، خیدمت‌لرینه گؤره شرف نیشانی میدال‌لارییلا اؤدول‌لنمیشدیر.

“چادرا” آدلی ایلک شعری ۱۹۲۸جی ایلده “دان اولدوزو” ژورنالیندا درج اولونموشدور. ۱۹۳۴جو ایلده نشر اولونموش ایلک “شعیرلر” کیتابی آذربایجان قادینلارینین یئنی حیات قوروجولوغوندا ایشتیراکیندان بحث ائدیر.

“دولورئس ایبارروری” (۱۹۳۶) شعری اسپانیا خالقینین فاشیزمه قارشی قهرمانلیق مبارزه‌سینه حصر اولموشدور.

“جمیله” شعری الجزایر خالقینین میللی آزادلیق مباریزه‌سینه حصر اولموش قووتلی لیریک اثرلردندیر.

مهستی گنجوی روباعی‌لرینی، ائوریپیدین “ایفیگئنیا”، فرئدریک شیللرین “مکر و محببت”، آنتونی چخوفون “وانیا دایی”، “آلبالی باغی” درام لارینی، ا.ل.ووینیچین “اوود”، او.قونچارین “بایراقلار” رومانلارینی، علیشیر نوایی، آلکساندر پوشکین، میخائیل لئرمونوتوو، تاراس شئوچئنکو، ش.پئتوفی، آ. میتسکئوچی، آ.سئرئتئلی و باشقالارینین اثرلرینی ترجوما ائتمیشدیر و اثرلری خاریخی دیللره ترجوما اولونموشدور.

۱۹۸۱جی ایلده باکی شهرینده وفات ائتمیشدیر. مزاری ll فخری خییاوانیندادیر.

کیتاب‌لاری

طبیعت منظره‌لری، معنوی زنگینلیک، وطن پرورلیک، صولح، دئموکراسی، آزادلیق ایده‌آلاری تره‌ننوم اولونان کیتابلاری:

  • شعرلر ۱۹۳۴
    دنیز سسی گلیر ۱۹۶۴
    ایشیق دونیام۱۹۶۹
    گونش دن گنجلیک ایسته دیم ۱۹۷۴
    حزین بیر آخشامدا دوشسن یادیما ۱۹۸۲
    شانلی نسیللرین یادیگاریسان ۱۹۸۲

موحاریبه موضوعسونا و موحاریبه علیه ینه حصر اولونان کیتابلاری:

  • ظفر نغمه سی۱۹۴۳
    شعرلر ۱۹۴۹
    آنالارین سسی ۱۹۵۱
    یوخ خاطیره لری ،اوروپا اطرافیندا سیاحت گونده لیگیندن ۱۹۵۷

اوشاق اوچون یازدیغی کیتابلار:

  • بالاجا قهرمان ۱۹۴۲
    گونشین جاوابی ۱۹۶۶
    مستانین بالالاری ۱۹۶۸
    بیزه باهار یاراشیر ۱۹۷۸

نرگیزلرین گؤزو یاشلا دولاندا
بنؤشه‌لر باخیب غمگین اولاندا
قرنفیلین گؤزو یولدا قالاندا
یاسمن‌لر ساچین یولور نئیله‌ییم؟

چیچک‌لرین گؤزو چکیر اینتیظار
آیریلیق‌دان بتر دونیادا نه وار
یاز آخشامی سنی بیل کی بو “نیگار”
حزین – حزین یادا سالیر نئیله‌ییم

بو شعری نیگار رفیع بی‌لی خانیم حیات یولداشینین وفاتینا یازیب؛ دئمه‌لیگم شاعرین حیات یولداشی بؤیوک و آدلیم شاعیر “رسول ریضا” اولوب و اونون اوغلو آذربایجان یازیچی‌لار تشکیلاتینین رئیسی؛ آذربایجان و دونیا شهرتلی یازار “آنار ریضایف” دیر.

 

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *