صفحه نخست / آخرین مطالب / شکسپیر اثرلرینین آذربایجان تورکجه‌سینه چئویرمه تاریخینه قیسسا بیر باخیش

شکسپیر اثرلرینین آذربایجان تورکجه‌سینه چئویرمه تاریخینه قیسسا بیر باخیش

بیر خالقین موتمدینلشمک گؤستریجی‌لریندن بیری اولان ترجومه نهضتی‌نین تاریخینی آراشدیرماق چوخ اؤنملی یئر تاپیر، نییه کی ترجومه بیر میللتین قولوبال و یوکسک سویه‌لی دوشونمه‌سینی گؤسته‌ریر. ترجومه تاریخی هابئله اینگلیسی ادبیاتینین فضولیسی آدلانان اولو ویلیام شکسپیره (1616 - 1564) گؤره چوخلو سؤزلر دانیشیلیب. دئمه‌لی‌لر دئییلیبدیر بونا گؤره‌ده سؤزو اوزاتمادان شکسپیرین فارس و آذربایجان ادبیاتلاریندا تانیدیریلماسی هابئله اونون شاه اثری "هاملئتین" آذربایجان تورکجه‌سینه چئویرلمه‌سی تاریخینه قیسسا باخیشیمیز اولسون.

یاغمور.ع

دونیا ادبیاتی‌نین کلاسیک اثرلری چاغداش و مدرن ادبیاتا تمل اولماسینی نظرده آلاراق، هر بیر دیلین ادبیاتینین اینکیشاف و گئنیشلنمه‌سینه گرکلی اولان مسئله او دیلده ترجومه نهضتینین یارانماسی، اؤزللیکله کیلاسیک ادبیاتینین او دیله چئویرلمه‌سی‌دیر.

بیر خالقین موتمدینلشمک گؤستریجی‌لریندن بیری اولان ترجومه نهضتی‌نین تاریخینی آراشدیرماق چوخ اؤنملی یئر تاپیر، نییه کی ترجومه بیر میللتین قولوبال و یوکسک سویه‌لی دوشونمه‌سینی گؤسته‌ریر. ترجومه تاریخی هابئله اینگلیسی ادبیاتینین فضولیسی آدلانان اولو ویلیام شکسپیره (۱۶۱۶ – ۱۵۶۴) گؤره چوخلو سؤزلر دانیشیلیب. دئمه‌لی‌لر دئییلیبدیر بونا گؤره‌ده سؤزو اوزاتمادان شکسپیرین فارس و آذربایجان ادبیاتلاریندا تانیدیریلماسی هابئله اونون شاه اثری “هاملئتین” آذربایجان تورکجه‌سینه چئویرلمه‌سی تاریخینه قیسسا باخیشیمیز اولسون.

قاجارین گؤرکملی ریجالاریندان “ناصرالملک” لقبینی داشیان ابوالقاسم خان قره گؤزلو همدانی کی (۱۳۴۶ – ۱۲۸۲ه‌.ق) شکسپیردن ایلک دفعه اولاراق فارسجایا چئویرن مترجیم‌دیر.

ابولقاسم ناصرالملک قمری تاریخ ایله ۹۴ ایل بوندان اؤنجه ۱۳۳۶ه.ق تاریخینده شکسپیرین اوتئللو فاجیعه‌سینی فارسجایا چئویریر.

آذربایجان تورکجه‌سینینده شکسپیری باغرینا باسما میلادی تاریخ ایله ۱۱۶ ایل بوندان اؤنجه‌یه قاییدیر. ۱۸۹۳-اینجی ایلده شوشانین روس تاتار مکتبینین اؤیرتمنی، درامچی و ژورنالیست “هاشیم بی وزیروو” شکسپرین اوتئللو تراژئدیسینی دیلیمیزه چئویرمیشدی.

شکسپیرین اؤلمز اثری هاملئت دانمارک پرینسی تراژدئیسن آنا دیلیمیزه بو گونه قدر اوچ نفرین الیله ترجومه اولونموشدور.

“عبدالرحیم بی حاقو ئردی یئو” (۱۹۹۳ – ۱۸۷۰) حیکایه، پیئس یازاری، مترجم و یونتنمن ۱۹۰۶-اینجی ایلده نثرله آنا دیلیمیزه چئویریبدیر.

“جعفر جاببارلی” (۱۹۳۴ – ۱۸۹۹) شاعیر، حیکایه یازاری، درام یازیچیسی، سئناریست، مترجم و یونتمن ۱۹۲۶-اینجی ایلده منثور شکیلده چئویرمیشدیر. ایندیه قدر بو اثرین آنا دیلیمیزه ان یاخشی ترجومه‌سی، محسوب اولونور.

“طلعت ایوبوو” (۱۹۲۰ – ۱۹۷۷) شاعیر و مترجم ۱۹۵۷-اینجی ایلده نثر و نظم ایله چئویرمیشدیر. هاملئتدن اؤنجه شکسپرین پئیس لریندن “قیش ناغیلی” تراژئدی کمدیسینی، “ایکی وئرونالی” کمدیسینی، هاملئتدن سونرا ایسه “آنتونی و کئلو پاترا” تراژئدیسینی چئویرمیشدیر.

شکسپرین تامامن ۱۵۴ صانئتینی هابئله “لوکرئسیا” و ئنئرا و آدونیس” و “معشوقه‌نین شیکایتلری” آدلی پوئمالارینی‌دا چئویرمیشدیر. عین حالدا دونیا ادبیاتیندا
وئقا، پوشکین، گورکی، آنتولوکسی، سیمونوف و… کیمی‌لردن اثر ترجومه ائتمیشدیر.

بو گؤرکملی شاعیردن “آنا وطن”، “اون آلتی”، “آراز” و… آدلی شعر کیتاب‌لاری بوراخیلمیشدیر.

۳ دیدگاه‌ها

  1. حیف که بو گوزل آنا دیلم ده یازیلاری گرگ چوخلی چتینلیگینن اوخورام ، چون که آنا دیلیمه اوخوماغی باشارمیرام!!!!!

  2. کاش کی بیر سری بو تورکی کیتابلارین لینکین دانلود اوچون یول پرس ده یایاسیز ممنون سیزدن. فقط گورخورام بیر گون سن ده اولمیاسان یول پرس

  3. هرنه قدر بیز به ساواد اولساخدا سن بیزی آتیب گتمه یول پرس ممنون

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *